यी सिनेमा हलबाट आजदेखि चलचित्र ‘पूर्ण बहादुरको सारङ्गी’ उतारिने

काठमाडौं । चलचित्र ‘पूर्ण बहादुरको सारङ्गी’ देशभरकाे केही सिनेमा घरबाट उतारिने भएको छ ।

कात्तिक १५ गते रिलिज भएको चलचित्र अहिले पनि देशभरका हलमा उच्च शो र हाउसफूल अकुपेन्सीसहित चलिरहेपनि केही हलहरुबाट भने उतारिने भएको हो ।

सेभेन सिस सिनेमा परिवारले एक विज्ञप्ति जारी गर्दै आजबाट २० हलबाट चलचित्र उतारिने जानकारी दिएको छ ।

केही सिनेमा घरहरूले चलचित्र ‘पूर्ण बहादुरको सारङ्गी’ हाउसफूल अकुपेन्सीमा प्रदर्शन भए पनि निर्माणपक्षलाई ग्रसकलेक्सन रकमको रिपोर्ट उपलब्ध गराएपनि निर्माण पक्ष उक्त रिपोर्टप्रति असहमत हुँदै उक्त हलबाट मंसिर १ गते (शनिबार)बाट नै सिनेमा उतार्ने निर्णय गरेको निर्माण पक्षले जनाएको छ।

निर्माणपक्षले विभिन्न २० हलबाट सिनेमा उतार्ने निर्णयले दर्शकमा पर्न गएक असुविधाप्रति क्षमा मागेको छ ।साथै सिनेमा हेर्न इच्छुक दर्शकले नजिकैको अर्को हलमा गएर हेरिदिन पनि आग्रह गरेको छ ।

सिनेमा उतारिने हलहरू निम्नानुसार छन्-
१.अरुण हल, बिराटनगर
२. निलम सिनेमाज, जनकपुर
३. विना हल, लालबन्दी
४. गोरखा हल, गोरखा
५.बर्दिवास हल, बर्दिवास
६.विराटचोक हल, मोरङ
७. सी। वी हल, इनरुवा
८. दीपक हल, बरहथवा
९. द्वारिका हल

१०. हिमालय हल, विराटनगर

११. चरिकोट हल। दोलखा

१२. एभरेष्ट हल। राजगढ

१३. धनकुटा हल। धनकुटा

१४. फिदिम हल। पाँचथर
१५. त्रिशूली। नुवाकोट
१६. इलाम हल। इलाम
१७. लभ कुश हल महेन्द्रनगर
१८.त्रिमुर्ती हल
१९.गिरिराज हल। जनकपुर
२०.पाथीभारा, दमक