नेकपा एससँग तालमेल गरेको माओवादीले कीर्तिपुरको मेयरमा दियो उम्मेदवारी

काठमाडौं । मंसिर १६ को स्थानीय तह उपचुनावका लागि कीर्तिपुरको मेयरमा नेकपा माओवादी केन्द्रका प्रा.डा. शिवशरण महर्जनले मनोनयन दर्ता गरेका छन् । यहाँ एकीकृत समाजवादी र माओवादीबीच चुनावी तालमेलको सहमति भएको छ ।

हिजो माओवादी केन्द्रका उपाध्यक्ष अग्नि सापकोटा र नेकपा एसका वरिष्ठ उपाध्यक्ष राजेन्द्र पाण्डेले कीर्तिपुरको मेयर र काठमाडौं महानगरपालिका- १६ को अध्यक्षमा तालमेल गर्ने सहमति पत्रमा हस्ताक्षर गरेका थिए ।

सहमतिअनुसार कीर्तिपुरको मेयरमा माओवादी केन्द्रका उम्मेदवार प्रा. डा. शिवशरण महर्जनलाई नेकपा एसले सघाउनेछ । काठमाडौं महानगरको १६ नम्बर वडाध्यक्षमा नेकपा एसका मीनबहादुर मानन्धरलाई माओवादीले सघाउनेछ ।

वडा नम्बर ४ को अध्यक्षमा माओवादीबाट नारायण विष्ट उठेका छन् । त्यस्तै १ मा जसपाबाट सरलगोपाल महर्जन अघि सरेका छन् ।