घरायसी विवादमा श्रीमानको हत्या, ३२ वर्षीया दीपा कुमाल पक्राउ
नेपाल प्रेस
२०८१ मंसिर ४ गते ९:५२
सुर्खेत । रुकुमपश्चिमको चौरजहारी नगरपालिका–२ मा एक महिलाले आफ्नै श्रीमानको हत्या गरेकी छन्।
मङ्गलवार बिहान ३२ वर्षीया दीपा कुमालले घरायसी विवादका क्रममा ४० वर्षीय श्रीमान् मधु कुमालको टाउकोमा चिर्पटले प्रहार गरेर हत्या गरेकी हुन्।
मृतकका १६ वर्षीय छोरा खिम कुमालले घटनाको जानकारी प्रहरीलाई दिएका थिए, जसको आधारमा जिल्ला प्रहरी कार्यालय, रुकुमपश्चिमबाट प्रहरी निरीक्षक दीपेन्द्र रावलको नेतृत्वमा टोली घटनास्थलमा पुगेको थियो। प्रहरी टोलीले आरोपी दीपा कुमाललाई नियन्त्रणमा लिएको छ।
प्रहरीले प्रारम्भिक अनुसन्धानमा घटनाको कारण घरेलु विवाद भएको निष्कर्ष निकालेको छ। मृतकको शव पोस्टमार्टमका लागि जिल्ला अस्पताल पठाउने तयारी भइरहेको छ।
नेपाल प्रेस
प्रकाशित: २०८१ मंसिर ४ गते ९:५२
प्रतिक्रिया
सम्बन्धित खवर
