एमालेलाई मीनबहादुरकाे जग्गा दानसम्बन्धी मुद्दा आज पनि हेर्न नभ्याइनेमा

काठमाडौं । भाटभटेनी डिपार्टमेन्ट स्टोरका सञ्चालक मीनबहादुर गुरुङले नेकपा (एमाले)को पार्टी कार्यालयका लागि दान दिएको जग्गासम्बन्धी विवादको रिटको पेसी हेर्न नभ्याइनेमा परेको छ ।

आज मुद्दाको मेसी न्यायाधीशद्वय सपना प्रधान मल्ल र अब्दुल अजिज मुसलमानको संयुक्त इजलासमा परेको थियो । यसअघि आइतबार उक्त मुद्दा प्रधान न्यायाधीश प्रकाशमान सिंह राउतसहितको पूर्ण इजलासमा परेको भए पनि हेर्न नभ्याइनेमा परेर स्थगित भएको थियो ।

यो मुद्दा सर्वोच्च अदालतमा अहिलेसम्म ४ पटक पेशी तोकिसकिएको छ । सर्वोच्चले जग्गा हस्तान्तरण प्रक्रिया तत्काल अघि नबढाउन अल्पकालीन अन्तरिम आदेश दिएको थियो ।