मेडिसिटी अस्पतालमा मृत्यु भएका सुब्बाको शव छैटाै दिनमा आफन्तले बुझे
नेपाल प्रेस
२०८१ मंसिर ६ गते १८:२६
काठमाडौं । मृगौला प्रत्यारोपणपछि मेडिसिटी अस्पतालमा मृत्यु भएका सरोज सुब्बाको शव आज आफन्तले बुझेका छन् । फलोअपका लागि अस्पतालमा भर्ना भएका सुब्बाको गत १ मंसिरमा उपचारका क्रममा मृत्यु भएको थियो ।
अस्पतालले मृत्युअघि बिरामीको मृगौला गायब पारिदिएको आफन्तले आरोप लगाएका थिए । अस्पतालले भने परिवारको स्वीकृति लिएर संक्रमित मिर्गौला झिकिएको बताएको छ ।
मृतकका ज्वाइँ कुमार राईले आज अस्पतालसँग शव बुझेर इलाम लगिरहेको बताए ।
उनले भने, ‘ठूला मान्छेसँग हामीले न्याय खोज्दा पाउने रहेन छौं । अब कति दिन आन्दोलन गर्ने ? घट्ना घटिसक्यो । परम्परा अनुसार शवको अन्त्येष्टि गर्छौं ।’
नेपाल प्रेस
प्रकाशित: २०८१ मंसिर ६ गते १८:२६
प्रतिक्रिया
सम्बन्धित खवर
