सलाह चम्कँदा लिभरपुलको जित
नेपाल प्रेस
२०८१ मंसिर १० गते ७:४०
हेटौँडा । इङ्लिस प्रिमियर लिग (इपीएल)मा लिग लिडर लिभरपुलले कमब्याक जित दर्ता गरेको छ ।
पछि परिसकेको अवस्थालाई उल्टाउँदै लिभरपुलले साउथह्याम्पटनलाई ३-२ गोलले पराजित गरेको हो ।
खेलमा पहिलो अग्रता लिभरपुलले खेलको ३० औँ मिनेटमा डोमोनिक स्जोबोस्जलाले गरेका थिए ।
तर खेलमा साउथह्याम्पटनले ४२ औँ मिनेटमा एडम आर्मस्ट्रङको गोल मार्फत टिमलाई बराबरीमा लगे ।
खेलको ५६ औँ मिनेटमा म्याथु फर्नान्डेजले गोल गर्दै साउथह्याम्पटनलाई २-१ को अग्रता दिलाए ।
तर लिभरपुल स्टार मोहम्मद सलाहले ६५ औँ र ८३ औ मिनेटमा गोल गरेपछि लिभरपुल ३-२ अन्तरले विजयी भयो । जितसँगै लिभरपुलको १२ खेलबाट ३६ अङ्क छ । उ दोस्रो स्थानको म्यानचेस्टर सिटी भन्दा ८ अङ्कले अगाडि छ ।
गएराति नै भएको अर्को खेलमा म्यानचेस्टर युनाइटेड र इस्विच टाउनले १-१ को बराबरी खेलेका छन् ।
नेपाल प्रेस
प्रकाशित: २०८१ मंसिर १० गते ७:४०
प्रतिक्रिया
सम्बन्धित खवर
