प्रधानमन्त्रीको चीन भ्रमण : माधव नेपालले ओलीलाई दिए यस्तो सुझाव (भिडिओ)

काठमाडौं । प्रधानमन्त्री केपी शर्मा ओलीलाई पूर्वप्रधानमन्त्री तथा एकीकृत समाजनवादीका अध्यक्ष माधव नेपालले चीन भ्रमणको क्रममा देशको हितमा काम गर्न सुझाव दिएका छन् ।

सिंहदरबारमा भएको छलफलपछि प्रधानमन्त्रीलाई छिमेकी राष्ट्र जसले पहिला निम्तो दिन्छ उसैकोमा भ्रमण गर्नुपर्ने सुझाएको बताए ।

उनले भने, ‘हामीले राष्ट्रहितलाई हेरेर काम गर्नुपर्छ, छिमेकीहरूको मनमा कुनै शंका छ भने त्यसलाई ध्यानमा राख्नुपर्छ । त्यसलाई ख्यालमा राखेर नेपाल असंलग्न परराष्ट्र नीति अविचलित रूपमा उभिन्छ र कुनै छिमेकी मुलुकहरूको विरुद्धमा नेपालको भूमि प्रयोग हुन दिनु हुँदैन ।’

उनले सबै देशसँग मित्रतापूर्वक सम्बन्ध राख्नुपर्ने भन्दै शान्तिभूमि हो भन्ने कुरालाई ध्यान दिएर अघि बढ्न आग्रह गरेको बताए ।