नेपाल प्रेसकर्मी न्यौपानेसहित ८ जना पत्रकार सम्मानित

काठमाडौं । नेपाल प्रेसकर्मी राजाराम न्यौपाने सम्मानित भएका छन् । क्रसर तथा खानी उद्योग व्यवसायी महासंघले ‘तेस्रो महाधिवेशनबाट निर्वाचित कार्यसमितिको पदभार ग्रहण तथा सम्मान’ कार्यक्रममा उनलाई क्रसर तथा खानी उद्योग क्षेत्रका समस्या तथा मुद्दालाई प्राथमिकताका साथ समाचार सामग्री प्रकाशन, प्रसारण तथा सम्प्रेषण गरी यस क्षेत्रको प्रवर्द्धनमा पुर्याएको उच्च योगदानलाई कदर गर्दै मंगलबार सम्मान गरेको हो ।

न्यौपाने नेपाल प्रेसमा वरिष्ठ संवाददाताका रुपमा अर्थ, वाणिज्य तथा निजी क्षेत्रको विधामा कलम चलाउँछन् ।

कार्यक्रममा प्रतिनिधि सभाको राज्य व्यवस्था तथा सुशासन समितिका सभापति रामहरी खतिवडाले उनलाई प्रमाणपत्र प्रदान गर्नुका साथै महासंघका अध्यक्ष सिताराम न्यौपानेले खादाँ ओडाएर सम्मान गरेका हुन् ।

सम्मान गर्दै महासंघले यसै गरि उच्च प्राथमिकताका साथ सम्प्रेषण गरि थप योगदान दिनुहुने अपेक्षा गरेको जनाएको छ । न्यौपानेसँगै पत्रकार अनिश मिजार, छवी सापकोटा, नवराज चालिसे, चुणामणी उप्रती, प्रकाश बुढाथोकी, रबी थापा र आशुतोष अर्याल पनि सम्मानित भएका थिए ।