रवि लामिछानेलाई आज साँझ काठमाडौं ल्याइँदै
नेपाल प्रेस
२०८१ मंसिर १३ गते १६:१७
काठमाडौं । सहकारी प्रकरणमा पक्राउ परेका रास्वपा सभापति रवि लामिछानेलाई आज काठमाडौं ल्याइने भएको छ।
जिल्ला प्रहरी कार्यालय कास्कीका एसपी श्यामबाबु ओलियाले आज बेलुकी बेलुकी ५ बजे हवाई मार्गबाट काठमाडौं ल्याउन लागेको बताए।
उनले नेपालप्रेससँग भने, ‘टिकट आइसकेको छैन, लैजाने तयारी चाहिँ हो।’
काठमाडौंमा स्वर्णलक्ष्मी सहकारीको रकम हिनामिनामा रविलाई पनि आरोपित गरेर जाहेरी दिइएको छ । यसैको अनुसन्धानका लागि काठमाडौं ल्याउन लागिएको हो । उनीविरुद्ध काठमाडौं जिल्ला अदालतले पनि पक्राउ पूर्जि जारी गरिसकेको छ ।
रविलाई अनुसन्धानकाला लागि लैजान लागिएको काठमाडौं तेस्रो जिल्ला हो । कास्कीबाट उनलाई रुपन्देही लगेर फेरि फिर्ता गरिएको थियो । काठमाडौंपछि चितवन लैजाने सेड्यूल छ ।
नेपाल प्रेस
प्रकाशित: २०८१ मंसिर १३ गते १६:१७
प्रतिक्रिया
सम्बन्धित खवर
