पाकिस्तानका शोएब र हुसेनले एनपीएल नखेल्ने

काठमाडौं ।  दुई टिममा आवद्ध भएका पाकिस्तानका दुई क्रिकेटर नेपाल प्रिमियर लिग खेल्न नआउने भएका छन् ।

जनकपुर बोल्ट्समा आवद्ध भएका शोएब मक्सुद र कर्णाली याक्समा आवद्ध भएका हुसेन तलात एनपीएल खेल्न नआएको जानकारी गराएका हुन् । मक्सुदले इन्जुरीका कारण एनपिएल आउन नसकेको बताएको जनकपुर बोल्ट्सले जनाएको छ ।

जनकपुरको मक्सुदको ठाउँमा इंग्ल्याण्डका अलराउण्डर बेन माइकलाई अनुबन्ध छ । यस्तै हुसेनको ठाउँमा कर्णालीले ओमनका पूर्व कप्तान जिसन मक्सुदलाई भित्राएको हो ।