गगन थापाको दाबी- प्रचण्डले हप्तामा एकपटक कांग्रेसबाट प्रधानमन्त्री बनिदिनुपर्‍याे भनेर खबर पठाउनुहुन्छ (भिडिओ)

काठमाडौं । नेपाली कांग्रेसका महामन्त्री गगन थापाले नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री बनिदिनुपर्यो भनेर कांग्रेसलाई हप्ताको एक पटक खबर पठाउने गरेको बताएका छन् ।

कीर्तिपूरमा आयोजित चुनावी सरकारलाई सम्बोधन गर्दै आफूहरु यो गठबन्धनलाई ०८४ सम्म लिएर जाने पक्षमा रहेको बताए ।

उनले भने, ‘आज केपी ओलीसँग सरकारमा छौं । हामी इमान्दारितापूर्वक यो सरकारलाई तीन बर्ष पूरा गर्न चाहन्छौं । हामी सरकार तलमाथि गर्ने पक्षमा छैनौं । हामी परिणाम दिन चाहन्छौं । कांग्रेस अहिले पनि संसदको सबैभन्दा ठूलो पार्टी हो । अहिले पनि प्रचण्डले हप्तामा एकपटक लौन प्रधानमन्त्री बनिदिनुपर्यो भनेर खबर पठाउनुहुन्छ । यो खबर पठाउने काम पहिला अर्कैले गर्थ्यो ।’

उनले कांग्रेस प्रधानमन्त्रीको प्रधानमन्त्री बन्न नसक्ने भएकाले हिजो प्रचण्ड र आज ओलीलाई प्रधानमन्त्री बनाएर नहिँडेको बताए ।