उच्चपदस्थकाे बिदाइमा अब एयरपाेर्टमा लावालस्कर नहुने, सरकारले ताेक्याे १४ जनाकाे काेटा

काठमाडौं । सरकारले भीभीआईपीको वैदेशिक भ्रमणमा जाँदा बढीमा १४ जना मात्रै बिदाइमा जान पाउने व्यवस्था गरेको छ । बिहीबार साँझ बसेको मन्त्रिपरिषद् बैठकले कार्यवाहक प्रधानमन्त्रीसहित १४ जना मात्रै अन्तराष्ट्रिय विमानस्थलमा बिदाइमा जान पाउने निर्णय गरेको एक मन्त्रीले नेपाल प्रेसलाई जानकारी दिए ।

ति मन्त्रीका अनुसार देश बाहिर भीभीआईपी जादाँ एयरपोर्टमा लावा लस्कर जाने गरेको भन्दै अब १४ जनामात्रै जान पाउने गरी कार्यविधि संशोधन गरिएको छ ।

जसमा कार्यवाहक प्रधानमन्त्री, उपप्रधानमन्त्रीहरु, परराष्ट्रमन्त्री, गृहमन्त्री, सञ्चारमन्त्री र पर्यटनमन्त्रीबाहेक अरु मन्त्री पनि बिदाईमा सहभागी हुन नपाउने भएका छन् ।

यस्तै प्रधान सेनापती, प्रहरी महानिरीक्षक, सशस्त्र प्रहरी महानिरीक्षक, मुख्यसचिव, सम्बन्धित देशका राजदूत र परराष्ट मन्त्रालयले तोकेको व्यक्ति मात्रै जान पाउने भएको हो ।