रामेछाप दुर्घटना : गोकुलगंगा ४ का वडाध्यक्ष बस्नेतको मृत्यु
नेपाल प्रेस
२०८१ मंसिर १४ गते १५:४८
काठमाडौं । रामेछाममा भएको गाडी दुर्घटनामा गाउँपालिकाकै वडा नम्बर ४ का वडा अध्यक्ष रामचन्द्र बस्नेतको मृत्यु भएको छ ।
मृत्यु हुने ५ जनामा २ जनाको सनाखत भएकोमा एक जना वडाध्यक्ष र अर्को एक जना गाडी चालक हिराबहादुर कार्की रहेको प्रमुख जिल्ला अधिकारी राजुप्रसाद पौडेलले नेपाल प्रेसलाई जानकारी दिए ।
५२ वर्षका बस्नेत २०७९ सालमा सम्पन्न स्थानीय तहको निर्वाचनमा नेपाली काँग्रेसबाट वडा अध्यक्षमा निर्वाचित भएका थिए ।
काठमाडौंबाट रामेछाप गइरहेको फोर्स गाडी रामेछापकै गोकुलगंगा गाउँपालिका–६ सिमखोलामा दुर्घटना भएको हो ।
दुर्घटनामा परेर मृत्यु हुनेमा २ पुरुष, २ जना महिला र एक बच्चा रहेको प्रहरीले जनाएको छ । गाडीमा ८ जना सवार रहेकोमा ३ जना घाइतेको उद्धार गरिएको छ ।
नेपाल प्रेस
प्रकाशित: २०८१ मंसिर १४ गते १५:४८
प्रतिक्रिया
सम्बन्धित खवर
