जनकपुर बोल्ट्सले अनिल साहलाई बनायो कप्तान, अरु टीममा मार्कीलाई नै जिम्मेवारी

काठमाडौं । एनपीएल फ्रेन्चाइज जनकपुर बोल्ट्सले प्रतियोगिता सुरु हुने अघिल्लो दिन कप्तान घोषणा गरेको छ । टीमको कप्तानी अनिल साहले गर्ने भएका छन् ।

आज एनपीएलका आठवटै टिम कप्तानहरुलाई पत्रकारहरुमाझ पेश गरिएको थियो । सात वटा टीमले मार्की प्लेयरलाई नै कप्तानका रुपमा अघि सारेका छन् । जनकपुरले भने मार्की खेलाडी आसिफ शेखको स्थानमा अनिल शाहलाई उभ्याएको हो ।

बिराटनगर किङ्सको कप्तान सन्दीप लामिछाने, चितवन राइनोजको कप्तान कुशल मल्ल रहेका छन् । यस्तै, काठमाडौं गुर्खाजमा करण केसी, पोखरा एभेन्जर्समा कुशल भुर्तेल, लुम्बिनी लायन्समा रोहित पौडेल कप्तान रहनेछन् ।

कर्णाली याक्सको कप्तानी सोमपाल कामीले तथा सुदुरपश्चिम रोयल्सको कप्तानी दिपेन्द्र सिंह ऐरीको काँधमा आएको छ ।