कमेडी च्याम्पियन सिजन-२ अनिश्चितकाललाई स्थगित

काठमाडौं । टेलिभिजन रियालिटी सो ‘कमेडी च्याम्पियन सिजन-२’ अनिश्चितकालको लागि स्थगित भएको छ ।

निर्माती तथा अभिनेत्री केकी अधिकारीले कोभिड-१९ का कारण सिर्जना भएको स्थितीले सिजन-२ को एपिसोड छायांकन स्थगित भएको जानकारी दिइन् ।

‘अहिलेलाई हाम्रो छायांकन स्थगित गरिएको छ, तर पक्कै पनि चाँडोभन्दा चाँडो नयाँ ऊर्जासहित आउने नै छौं’ रियालिटी सोले आफ्नो अफिसियल फेसबुक पेजमा उल्लेख गरेको छ ।

निर्मात्री अधिकारीसहित प्रतियोगिताका केही सहभागिलाई गतसाता भाइरस संक्रमण समेत पुष्टि भएको थियो ।