हेटौंडा- १२ : हालसम्म ५० प्रतिशत मत खस्यो (भिडिओ)

हेटौंडा । स्थानीय तह उपनिर्वाचनअन्तर्गत हेटौंडा उपमहानगरपालिका वडा नम्बर १२ मा मतदान जारी छ ।

दिउँसो १ः३० बजेसम्म यहाँ ५० प्रतिशत मत खसेको निर्वाचन अधिकृत कार्यालयले जनाएको छ । कुल ८ हजार ५३ मत रहेको वडामा ४ हजार मत खसिसकेको कार्यालयले जनाएको छ ।

प्रतिभा आधारभूत विद्यालय सिग्रेनी र विष्णुज्योति आधारभूत विद्यालय गरी दुई स्थानमा मतदान भैरहेको छ ।

हेटौंडा- १२ मा वडाध्यक्षको लागि १२ जनाले उम्मेदवारी दिएका छन् ।