दाङमा कौडा खेल्दै गरेका १७ जना पक्राउ

रूपन्देही । दाङमा कौडा खेलिरहेको अवस्थामा १७ जना पक्राउ परेका छन् ।

घोराही उपमहानगरपालिका-१५ अमृत टोल स्थित ठाकुर खनालले पैसाको हारजित हुने गरी जुवाको रुपमा कौडा खेलाई रहेको भन्ने गोप्य सूचनाको आधारमा प्रहरीले छापा मारेको थियो ।

जुवाको रुपमा कौडा खेलिरहेको अवस्थामा कौडा थान-१६, कौडा खेल्नको लागि भुईमा ओछ्याएको चेकवाला तन्ना थान-१, एक लाख ५२ हजार ५५ रुपैयाँ सहित १७ जना ब्यक्तीहरुलाई नियन्त्रणमा लिई थप अनुसन्धान भइरहेको जिल्ला प्रहरी कार्यालय दाङका प्रवक्ता इश्वर थापाले जानकारी दिए ।