शेयर बजारमा दोहोरो अंकको वृद्धि, कारोबार पनि बढ्यो

काठमाडौं । सोमबार नेपाल स्टक एक्सचेञ्ज (नेप्से)मा दोहोरो अंकको सुधार भएको छ । आइतबार ९.९९ अंकले घटेर बन्द भएको नेप्से सोमबार भने १९.९७ अंकले बढेको हो ।

सोमबार कारोबार रकममा समेत सुधार भएको छ । आइतबार ८ अर्ब ८३ करोड २२ लाखको कारोबार भएको नेप्सेमा मंगलबार १० अर्ब ५४ करोड १७ लाखको कारोबार भएको हो ।

नेप्सेका अनुसार आजको कारोबारमा १२६ कम्पनीको शेयरमूल्य बढ्दा १२२ को घट्यो । ६ कम्पनीको शेयरमूल्य स्थिर रहेको छ । यसमध्ये तीन कम्पनीको शेयर मूल्यमा सकारात्मक सर्किट लागेको छ ।

नेपाल फाइनान्स कम्पनीको शेयर मूल्यमा सर्वाधिक गिरावट आएको छ । आज यस कम्पनीको शेयरमूल्य ८.७२ प्रतिशतले घटेर प्रतिकित्ता १२४४ रुपैयाँमा झरेको छ । यस कम्पनीको आज सर्वाधिक कारोबार भएको छ ।