युट्युब ट्रेण्डिङमा एसियन पप शैलीका गीतहरू : जोन राई, एकदेव लिम्बुदेखि सुशान्त केसीसम्म

काठमाडौं । युट्युबको म्युजिक ट्रेण्डिङमा पछिल्ला छिमलका गायकहरुका गीतहरुको वर्चश्व रहेको छ । जोन राई, स्वप्निल शर्मा, एकदेव लिम्बु, सुशान्त केसी, उर्गेन दोङ लगायत गायकका एसियन पप शैलीका गीतहरु युट्युब ट्रेण्डिङमा छन् ।

३६ लाखले हेरेको जोन र स्वप्निलका ‘बादल सरी’ पहिलो नम्बरमा छ । त्यस्तै एकदेवको ‘झिमझिमाउने आँखा’ १९ लाख भ्युज सहित दोस्रो नम्बरमा छ भने सुशान्तको ‘बार्दली’ दुई करोड २० लाख भ्युजसहित तेस्रो नम्बरमा छ । यी शीर्ष तीन गीतका गायकहरु युवापुस्तामा माझ लोकप्रिय छन् । उनीहरुका गीत करोडौंले सुनेका छन् ।

सन् २००० बाट सुरु भएको एसियन पप जनरा अहिले संसारभर फैलिइरहेको छ । इलेक्ट्रिोनिक म्युजिक र हिप हपको संयोजन गरेर बनाइने यस्ता गीतहरु जेन–जेड र जेन–अल्फा पुस्तामाझ अत्यधिक लोकप्रिय छन् । चौथो नम्बरमा एक भोजपुरी गीत छ भने पाँचौ नम्बरमा उर्गेनको ‘हबिबी’ छ ।