स्मिता दाहालले कसिन लगनगाँठो, प्रधानमन्त्रीदेखि सभामुखसम्म पाहुना (तस्बिरहरु)

काठमाडौं । गायिका स्मिता दाहाल विवाह बन्धनमा बाँधिएकी छन् । मुलपानीस्थित नर्लिङ रिसोर्टमा उनको वैवाहिक समारोह अहिले जारी रहेको छ ।

कलेजदेखिका प्रेमी सायुज्य श्रेष्ठसँग स्मिताले लगनगाँठो कसेकी हुन् । माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहालले विवाहस्थलमा पुगेर नातिनीलाई आशीर्वाद दिएका छन् । विवाहमा उच्चपदस्थहरुको भिड लागेको छ ।

प्रधानमन्त्री केपी शर्मा ओली विवाहमा पुगेर वरवधुलाई आशीर्वाद दिइ फर्किए । सभामुख देवराज घिमिर पनि समाराेहमा सहभागी भएका थिए । माओवादी केन्द्रका अधिकांश शीर्ष नेताहरु विवाहस्थलमा छन् ।

विवाहमा कलाकारहरुको पनि घुइँचो छ । हरिवंश आचार्य, भुवन केसी, किरण केसी, माग्ने बुढा, चेतन सापकोटा, शिव श्रेष्ठ, सरोज ओली, जितु नेपाल, दीपक शर्मा, बसन्त सापकोटा लगायत कलाकारहरु स्मिताको निम्तो मान्न पुगेका छन् ।

शुक्रबार काठमाडौंको मूलपानीस्थित नर्लिङ रिसोर्टमा प्रेमी सायुज्य श्रेष्ठसँग विवाह गरेकी हुन् ।

अहिले विवाह समारोह भइरहेको छ ।

तस्विर सौजन्यः गोपिकृष्ण चापागाईं