वैशाखमा निक्षेप संकलन ११ अर्बले ऋणात्मक कर्जा प्रवाह ४२ अर्बले बढ्यो

काठमाडौं । कोभिड-१९ को नयाँ भेरियन्टको असर बैंकिङ क्षेत्रमा देखिन सुरु गरेको छ । कोभिडको असरका कारण बाणिज्य बैंकमा निक्षेप संकलन र कर्जा बिस्तार अघिल्लो महिनाहरुको तुलनामा घटेको छ ।

वैशाख महिनामा बाणिज्य बैंकको निक्षेप संकलन कुल ११ अर्बले ऋणात्मक देखिएको भने कर्जा प्रवाह ४२ अर्ब भएको नेपाल बैंकर्स संघले जनाएको छ ।

वैशाख महिनाको पहिलो साता १७ अर्ब रुपैयाँले निक्षेप संकलन घटेको थियो भने दोस्रो सातामा ५ अर्बले घटेको थियो । दोस्रो सातामा आएर निक्षेप संकलनमा सुधार हुँदै १ अर्बले बढ्यो भने वैशाख अन्तिम सातामा १० अर्बले निक्षेप संकलन बढेको थियो । कर्जा प्रवाह तर्फ पहिलो साता ८ अर्बले घटेपनि दोस्रोमा १७ अर्ब, तेस्रो सातामा ११ अर्ब र अन्तिम सातामा १६ अर्ब गरी कुल ४४ अर्बले बढेको देखिन्छ ।

नेपालको बाणिज्य बैंकमा कुल ३९ खर्ब ३२ अर्ब रुपैयाँ बराबरको निक्षेप संकलन भएको छ भने ३६ खर्ब ९ अर्ब रुपैयाँ बराबरको कर्जा विस्तार भएको छ ।