पुष्पन प्रधानको नयाँ गीतको भिडिओमा अञ्जना र नाजिर

काठमाडौं । गायक पुष्पन प्रधानले नयाँ गीतको म्युजिक भिडिओ सार्वजनिक गरेका छन् । म्युजिक भिडिओमा ‘पूर्णबहादुरको सारंगी’की अभिनेत्री अञ्जना बराइली र अभिनेता नाजिर हुसेन फिचर्ड छन् ।

उनको नयाँ गीत जी टू वान डिजिटलको युट्युब च्यानलमार्फत रिलिज गरिएको हो । गीतको भिडियोलाई जि टू वानका प्रमुखसमेत रहेका निर्देशक आशिफ शाहले निर्देशन गरेका हुन् ।

‘बन्धकी’ शीर्षक दिइएको गीतलाई रोमान्टिक जनरामा तयार गरिएको छ, जसमा शब्द, संगीत र गायन पुष्पनकै रहेको छ ।