यू-१९ वुमन्स एसिया कप: नेपालले भारतलाई दियो ९५ रनको लक्ष्य

काठमाडौं । मलेसियामा जारी एसीसी यू-१९ वुमन्स एसिया कप क्रिकेटमा नेपालले भारतलाई ९५ रनको लक्ष्य दिएको छ ।

टस हारेर पहिला ब्याटिङ गरेको नेपालले निर्धारित २० ओभरमा ८ विकेट गुमाएर ९४ रन बनाएको हो ।

नेपालका लागि कप्तान पूजा महतोले सर्वाधिक २५ रन बनाइन् । अलिशाकुमारी यादवले आक्रामक ब्याटिङ गरिन् । उनले ९ बलमा अविजित २० रन जोडिन् ।

बलिङमा भारतकी पारुनिका सिशोडियाले सर्वाधिक ४ विकेट लिइन् ।

पहिलो खेलमा पाकिस्तानलाई ६ विकेटले हराउँदै नेपाल सेमिफाइनलमा प्रवेश गरिसकेको छ ।