अमेरिकाको नेपाली डायस्पोरा रिसर्चको निष्कर्ष : करिब ६० प्रतिशतले मात्रै पठाउँछन् रेमिटेन्स

काठमाडौं । अमेरिकामा हुने नेपालीहरुमा करिब ६० प्रतिशतले मात्रै नेपालमा रेमिटेन्स पठाउने गरेको देखिएको छ । हालसालै सार्वजनिक भएको सर्वाङ्गण विकास अध्ययन केन्द्र (आईआईडीएस)ले सार्वजनि गरेको एक अध्ययनले यस्तो देखाएको हो ।

अमेरिकामा हुने नेपालीहरुमा ५९.६ प्रतिसत नेपालीले अमेकिाबाट रेमिटेन्स पठाउने देखिएको छ । सन २०२३ को तथ्यांकले नेपालमा आउने कुल रेमिटेन्सको ११.६ प्रतिसत भाग अमेरिकाको देखिएको छ । प्रतिव्यक्ति रमेटिेन्स पठाउनेमा अमेरिकामा हुनेहरुले कतार, मलेसिया, साउदी अरब र यूएई भन्दा धेरै पठाउने पाइएको छ । कतार भन्दा १.५१ गुणा, मलेसिया भन्दा २ं.२८ गुणा, साउदी अरब भन्दा १ं.९५ गुणा र यूएई भन्दा १.७२ गुणा प्रतिव्यक्ति धेरै रेमिटेन्स अमेरिकामा हुनेले पठाउने पाइएको छ ।

अमेरिकामा हुने नेपालीहरुले नेपाललमा लगानी गरेको नगन्य देखिएको छ । १३.२ प्रतिसतले मात्रै नेपालमा लगानी गरेका छन् । अझ रोचक कुरा नेपालमा जस्तै अमेरिकाका नेपालीहरुमा पनि पुरुषहरुको औसत कमाई महिलाको भन्दा धेरै देखिएको छ । सबै क्षेत्रको सरदर पुरुषहरुको वाािर्षक आय ६० हजार अमेरिकी डलर हुँदा महिलाको भने ३८ हजार अमेरिकी डलर मात्रै देखिएको छ । अमेरिकाका बेरोजगार नेपालीहरु ३.४ प्रतिसत देखिएको छ ।

अमेरिकामा २ लाख १५ हजार सम्म नेपाली छन् भन्दै प्रतिवेदनमा पछिल्लो १२ वर्षमा अमेरिका जाने नेपालीहरुको आँकडा ६८.३ प्रतिशत भएको लेखिएको छ ।

खोजकर्ताहरु डाक्टर अरुण जोशी, विभव प्रधान र रुजेल श्रेष्ठले संयुक्त रुपमा तयार गरेको खोज प्रतिवेदनले अमेरिकाका पाँच राज्यमा नेपालीहरु ठूलो संख्यामा पुगेको देखाएको छ । ती ठाँउहरुमा टेक्सस, क्यालिफोर्निया, भर्जिनिया, मेरिल्याण्ड र न्यू योर्क हुन । अमेकिा पुग्नेहरुमा ५८ प्रतिसत अध्ययनलाई पुग्ने देखिएको छ भने २६ प्रतिसतले राजनीतिक अस्थिरताले वाक्क पुगेको बताएका छन् ।

अमेरिका पुग्नलाई बहुसंख्यक नेपालीहरुले १० हजार अमेरिकी डलरमा अमेरिका सरेको देखिएको छ भने ५० हजार डलर तिर्नेहरुको आँकडा पनि धेरै भएको देखिएको छ ।

सन २०१२ बाट २०२१ सम्म ५३ लाख नेपालीहरुले डिभी भरेका थिए । औसतमा हरेक वर्ष ४०९८ भर्नेहरुको नाम डिभीमा निस्केको देखिन्छ ।