सेनाले पालेको हात्तीको आक्रमणमा माउते घाइते
नेपाल प्रेस
२०८१ पुष ४ गते १०:१८
हेटौँडा । पर्सा राष्ट्रिय निकुञ्जको सुरक्षार्थ नेपाली सेनाको सबुज गणको पोस्टमा पालेको हात्तीको आक्रमणबाट एक जना घाइते भएका छन् ।
घाइते हुनेमा माउते सर्लाही हरिपुर नगरपालिका-९ बस्ने २५ वर्षीय मनिष चौधरी रहेको बागमती प्रदेश प्रहरी कार्यालय हेटौँडाले जनाएको छ ।
प्रहरीका अनुसार, बुधवार दिउँसो हात्तीलाई दाना पानी खुवाउने क्रममा अचानक हात्तीले सुडले हानी माउते चौधरीको शरीर र कानमा चोट लागेको हो ।
घाइते माउतेको चितवन पुरानो मेडिकल कलेज भरतपुरमा उपचार भइरहेको र आक्रमण गर्ने हात्तीलाई सोही स्थानमा बाँधेर राखिएको जनाइएको छ ।
नेपाल प्रेस
प्रकाशित: २०८१ पुष ४ गते १०:१८
प्रतिक्रिया
सम्बन्धित खवर
