ललितपुरमा चित्रकला प्रर्दशनी हुने

काठमाडौं । ललितपुरको बिकल्प आर्ट सेन्टरमा चित्रकला प्रर्दशनी हुने भएको छ । चित्रकला सम्बन्धी ज्ञान सिकाउँदै आएको एकेडेमी आर्ट सोमले ललिततपुरको पुल्चोकमा आगामी शनिबारदेखि चित्रकला प्रर्दशनी गर्ने भएको हो ।

तीन दिनसम्म चल्ने प्रर्दशनीमा आर्ट सोमले आफ्नो एकेडेमीमा अध्ययनरत विद्यार्थीको चित्रकला प्रर्दशनीमा राख्ने एकेडेमीका संस्थापक सुजनवीर बज्राचार्यले बताए ।

विद्यार्थीमा चित्रकलामार्फत सिर्जनशिलताको विकास गर्न बज्राचार्यले एकेडेमीको सुरुवात गरेका थिए । एकेडेमीले भौतिक र अनलाइनमार्फत विद्यार्थीलाई चित्रकला सिकाउँदै आएको छ ।

एकेडेमीमा रहेका २१ जना विद्यार्थीको चित्रकला प्रर्दशनीमा राखिनेछ । बिहान ११ बजेदेखि साँझ ५ बजेसम्म चल्ने प्रर्दशनी सर्वसाधारणले निशुल्क अवलोकन गर्न पाउने छन् ।