‘सिद्धार्थ बैंक २२ औं वार्षिकोत्सव अफर’ सार्वजनिक

काठमाडौं । सिद्धार्थ बैंकले नयाँ अफर सार्वजनिक गरेको छ । बैंक्ले आफ्नो वार्षिकव्सवको अवसरमा ‘सिद्धार्थ बैंक २२ औं वार्षिकोत्सव अफर’ सार्वजनिक गरेको हो ।

डिजिटल बैंकिङलाई प्रोत्साहन गर्ने उद्देश्यका साथ ग्राहकहरुलाई लक्षित गर्दै ‘सिद्धार्थ बैंक २२ औं वार्षिकोत्सव अफर’ ल्याएको हो । यस अफर सम्बन्धी विस्तृत जानकारी र शर्तहरू बैंकको वेबसाइटमा राखिएको छ ।

२०५९ साल पौष ९ गते १७ औँ वाणिज्य बैंकको रुपमा स्थापित सिद्धार्थ बैंकले आफ्नो स्थापना कालको २२ औँ वर्ष पुरा गरेको छ । बैंक संचालनको २२ वर्ष पूरा भएको अवसरमा बैंकले नक्साल स्थित आफ्नो प्रधान कार्यालय भवनमा प्रमुख कार्यकारी अधिकृत, नायव प्रमुख कार्यकारी अधिकृत, सहायक प्रमुख कार्यकारी अधिकृत र बैंकमा कार्यरत कर्मचारीहरुको उपस्थितिमा एक कार्यक्रम गरि वार्षिकोत्सव मनाएको हो ।

बैंकले आफ्नो वार्षिकोत्सवमा विभिन्न कार्यक्रमहरूको आयोजना गरेको थियो । यस अवसरमा, फुटसल प्रतियोगिता, टेबल टेनिस, देशका विभिन्न स्थानहरुमा रक्तदान कार्यक्रमका साथसाथै बैंकमा कार्यरत रहि १५ वर्ष पूरा गरेका कर्मचारीहरुको योगदानलाई कदर गर्दै उनीहरुलाई अभिनन्दन गरेको छ ।

बैंकले देशका काठमाडाैं र धनगढीमा रक्तदान कार्यक्रम समेत गरेको छ । उक्त रक्तदान कार्यक्रममा बैंकका कर्मचारी, ग्राहक र स्थानीयगरि १०२ जना रक्तदाताहरुको सहभागिता रहेको थियो । देशका अन्य बाँकी प्रदेशहरुमा पनि बैंकको रक्तदान कार्यक्रम गर्ने योजना बनाएको जनाएको छ ।