१० जर्मनमध्ये ४ जनालाई राजनीतिमा भरोसा छैन: रिपोर्ट

काठमाडौं । जर्मनीमा १० नागरिकमध्ये ४ जनाले राजनीतिमा भविष्य नदेखेको र भरोसा नभएको रिपोर्ट सार्वजनिक भएको छ । जर्मनीमा बुधबार सार्वजनिक भएको रिपोर्ट चुनाव आउन सात हप्ता बाँकी हुँदा सार्वजनिक भएको हो ।

जर्मनीको विश्व च्यानल डीडब्ल्यूका अनुसार अहिले सत्तामा रहेको सोसल डेमोक्रेट दललाई सत्तामा देख्न नचाहनेको संख्या ५० प्रतिशत देखिएको छ ।

सर्वेमा प्रगतिशीलभन्दा परम्परागत दलहरुको चुनावी जित हुने देखाइएको छ । अहिले ओलाफ सोल्ज नेतृत्वको सरकार आएपछि इन्धनको दाम बढेको छ । युक्रेनमा रुसी हमलाको असरले देखिएको इन्धनको दाम महँगिएपछि मूल्यवृद्धि बढेको छ ।

त्यस्तै अर्थतन्त्रको आकार घटेको छ । यसले जर्मनहरुमा सरकार र सत्तासँग विमति बढेको टिप्पणीहरु हुन थालेका छन् । युरोपका सबैभन्दा कमजोर रेटिङ हुने नेतामा जर्मन चान्सलर सोल्ज पनि एक हुन् ।