परराष्ट्र सचिवमा अमृतबहादुर राई नियुक्त, बुधबार नै पदभार ग्रहण
नेपाल प्रेस
२०८१ पुष २४ गते २२:०४
काठमाडौं । परराष्ट्र सचिवमा अमृतबहादुर राई नियुक्त भएका छन् । मंगलबार साँझ बसेको मन्त्रिपरिषद् बैठकले राईलाई परराष्ट्र सचिवमा नियुक्त गरेसँगै बुधाबर दिउसो राईले पदभार ग्रहण गरिसकेका छन् ।
परराष्ट्र सेवाका सहसचिवमध्ये बरिष्ठताका आधारमा उनी सचिवमा बढुवा भएर नियुक्त भएका हुन् ।
परराष्ट्र सचिव सेवा लम्साल बेल्जियमका लागि नेपाली राजदूत नियुक्त भएपछि रित्तः रहेको सचिवमा सहसचिव राईलाई बढुवा गरेर नियुक्त गरिएको हो ।
राई यसअघि २०७५ सालमा न्युयोर्कस्थित संयुक्त राष्ट्रसंघको स्थायी प्रतिनिधि नियुक्त भएका थिए । यस अघि उनी न्युयोर्कमै काउन्सिलरको रुपमा पनि कार्यरत थिए भने दक्षिण अफ्रिकाको राजदूत समेत भइसकेका छन् ।
नेपाल प्रेस
प्रकाशित: २०८१ पुष २४ गते २२:०४
प्रतिक्रिया
सम्बन्धित खवर
