कुमारी बैंकले बोलायो साधारणसभा, छैन लाभांश प्रस्ताव, लगानीकर्ताको हात खाली

काठमाडौं । कुमारी बैंक लिमिटेडले साधारण सभा बोलाएको छ । बैंकले आउँदो माघ २१ गते सोमबार २४औं वार्षिक साधारण सभा गर्ने भएको हो ।

बैंकको साधारण सभा त्रिभुवन आर्मी अफिसर्स क्लब टुँडिखेलमा हुने भएको छ । सभामा सञ्चालक समितिको आर्थिक वर्ष २०८०/८१ वार्षिक प्रतिवेदन पारित गर्ने भएको छ ।

लेखा परीक्षकको प्रतिवेदन सहितको आ.व. २०८०/०८१ को वार्षिक आर्थिक विवरण २०८१ आषाढ मसान्तसम्मको वासलात, आव २०८०/०८१ को नाफा नोक्सान हिसाब र सोही अवधिको नगद प्रवाह विवरण, नाफा नोक्सान बाँडफाँड हिसाब, ईक्विटीमा भएको परिवर्तन लगायत वार्षिक आर्थिक विवरणसँग सम्बद्ध अनुसूचीहरू पारित गर्ने भएको छ ।

यस बैंकको सहायक कम्पनी कुमारी क्यापिटल लिमिटेड र केबिएल सेक्यूरिटिजको आव २०६०/०८ को वित्तीय विवरण सहितको एकीकृत वित्तीय विवरण पारित गर्ने भएको छ । त्यस्तै, सभामा आर्थिक वर्ष २०८१/०८२ को लागि लेखापरीक्षक नियुक्ति गर्ने र निजको पारिश्रमिक तोक्ने प्रस्ताव गरिएको छ ।

बैंकको साधारण सभामा लगानीकर्ताहरूका लागि लाभांश प्रस्ताव गरिएको छैन । लाभांश प्रस्तावबिनाको साधारण सभा हुने भएकोले लगानीकर्ताहरूको यस वर्ष हात खाली हुने देखिन्छ ।