तालेवानले महिलालाई ‘मान्छे’को रूपमै देख्दैनन् : मलाला

काठमाडौं । नोबेल शान्ति पुरस्कार विजेता पाकिस्तानकी मलाल युसुफजाईले तालेवानले महिलालाई ‘मान्छे’को रूपमा नदेख्ने बताएकी छिन् ।

हाल बेलायतमा बस्ने मलालाले सबै मुस्लिम सरकारहरूलाई तालेवानलाई चुनौती दिन आग्रह गरेको बेलायती विश्व सेवा बीबीसीले उल्लेख गरेको छ ।

२७ वर्षकी मलाला १५ वर्ष हुँदा पाकिस्तानी तालेवानले गोली हानेर बेलायतमा उद्धार गरेर ल्याइएकी हुन् । सन २०१४ मा उनलाई नोबेल शान्ति पुरस्कार प्रदान गरिएको थियो ।

उनी अहिले महिला तथा बालबालिकाको पक्षमा वकालत गर्दै आएकी छिन् ।

पश्चिमा विश्वमा मलालाको सम्मान भए पनि उनकै देश पाकिस्तान तथा अरू मुस्लिम देशहरूमा भने उनी खासै लोकप्रिय छैनन् ।