यी हुन चीनको भूकम्पमा सहयोग गर्ने ल्हासाका नेपालीहरू (सूचीसहित)

काठमाडौं । शनिवार प्रधानमन्त्री केपी शर्मा ओली नेपाली समुदायबाट तिब्बतमा भएको भूकम्पबारेमा सहयोग गरेको पोस्ट गरे ।

उनले सामाजिक सञ्जालमा लेखे, ‘विपद्मा साथ दिने नेपाली संस्कृति हो । केही दिन अघि तिब्बतलाई केन्द्रबिन्दु बनाएर आएको भूकम्पबाट त्यहाँ जनधनको क्षति भयो। नेपाल उक्त भूकम्पबाट प्रभावित चिनियाँ जनताको साथमा छ । नेपालमा यस्तो विपत्ति हुँदा छिमेकी मित्रराष्ट्र चीनले पनि हामीलाई सहयोग गरेको थियो।दुःख निवारण कल्याण कोष ल्हासाले त्यहाँ बसोबास गरिरहेका नेपाली समुदायबाट संकलन गरेको सहयोग रकम हस्तान्तरण गरिएको छ ।’

खासमा ल्हासामा रहेको एक मात्रै कूटनीतिक नियोग हो नेपालको । र, त्यही कूटनीतिक नियोगका प्रमुख लक्ष्मी निरौलाको समन्वयमा ल्हासामा भएका नेपालीहरूको रकम संकलन भयो । संकलित रकम चिनियाँ रेडक्रसलाई वितरण गरियो । सहयोग गर्नेमा नेपालीहरूको संस्था तथा व्यक्ति दुवै छन् ।

संस्था ल्हासामा रहेको नेपालीहरूको परोपकारी संस्था दुःख निवारण कल्याणकारी कोष हो भने व्यक्तिहरूमा अरू ७८ जना रहेका छन् । कोषले सबैभन्दा धेरै ३० हजार युआन सहयोग गरेको छ । यी सबैको साझा प्रयत्नबाट १ लाख ९८ हजार ५७ युआन सहयोग गरेको छ ।

ल्हासाका नेपाली रत्न कुमारले आफूहरूले सहयोग गर्न पाएको खुशी व्यक्त गरे । नेपाल प्रेससँग कुरा गरेका महावाणिज्यदूत निरौलाले आफूहरूले समन्वय गरेर सकेको काम गरेको बताए ।