गाजाको आकाशमा रकेटै रकेट : पछिल्लो तनावमा १३० भन्दा बढीको मृत्यु

एजेन्सी । इजरायल र प्यालेस्टाइनबीच गाजा क्षेत्रमा भएको पछिल्लो तनावमा १३० भन्दा बढीको मृत्यु भएको छ ।

प्यालेस्टाइनी विद्रोही समूह हमास र इजरायली सेनाले एकअर्काको क्षेत्रमा रकेट प्रहार गरिरहेका छन् । गाजाको आकाशमा रकेटहरु उडेको देख्न सकिन्छ ।

गत सोमबारदेखि सुरु भएको तनाव मुस्लिमहरुको पवित्र रमाजानको बेलासम्म मत्थर भएको छैन बरु, यसले युद्धको रुप लिने संकेत देखिएको छ ।

टेलिभिजनको प्रत्यक्ष प्रसारणकै क्रममा इजरायलले हवाइ आक्रमण गरेर एउटा अग्लो भवन ध्वस्त पारिदिएको थियो । बीबीसी अरेविकको प्रत्यक्ष प्रसारण भैरहेको बेला उक्त हमला भएको थियो ।

तनाव चर्किदैं जाँदा अहिले इजरायलमा पनि यहुदी र अरबहरुबीच हिंसा मच्चिन थालको छ । अमेरिकी राष्ट्रपति जो बाइडेनले शान्ति स्थापनाको लागि आग्रह गरेका छन् ।

चीनले इजरायल र प्यालेस्टाइनबीचको युद्ध रोक्न राष्ट्रसंघको सुरक्षा परिषद्मा प्रस्ताव लैजाने तयारी गरेको छ ।