सुरेन्द्र पाण्डेको टिप्पणी– केपी ओलीले बम ब्लास्ट गरे

काठमाडौं । विभाजित नेकपाका नेता सुरेन्द्र पाण्डेले २७५ सांसद रहेको प्रतिनिधिसभामा प्रधानमन्त्री केपी ओलीले बम ब्लास्ट गरेको आरोप लगाएका छन् ।

पेरिसडाँडामा आयोजित कार्यक्रमलाई सम्बोधन गर्दै विभाजित पार्टीको महासचिव दावी गरिरहेका पाण्डेले केन्द्रीय कमिटीमा अ‍ोलीको पक्षमा २५ प्रतिशतमात्र सदस्य रहेकाले आधिकारिक नेकपा प्रचण्ड–माधव पक्ष नै हुने बताए ।

पाण्डेले भने– २७५ जनाको प्रतिनिधिसभामा केपी ओलीले बम ब्लास्ट गर्नुभयो। अहिले ओली र उहाँको केन्द्रीय कमिटीमा २५ प्रतिशत मात्रै उपस्थिति भए । ४३५ मध्य ३०० केन्द्रीय सदस्य हामीसँग हुनुहुन्छ । त्यसले नेकपा र सूर्य हामीसँगै रहनेछ। अब कोही पनि अलमल रहन आवश्यक छैन ।

आफूहरु नै मूलधर भएकाले छाडेर जानेले नयाँ पार्टी बनाउनुपर्ने पाण्डेले बताए ।