विश्व नम्बर पाँच स्भितोलिना फ्रेन्च ओपनको दोस्रो चरणमा
नेपाल प्रेस
२०७८ जेठ १८ गते १७:३५
काठमाडौं । विश्व नम्बर पाँच एलिना स्भितोलिना फ्रेन्च ओपन टेनिसको दोस्रो चरणमा प्रवेश गरेकी छन् । मंगलबार भएको पहिलो चरणको खेलमा ओसिएन बाबेललाई ६-२, ७-५ को सोझो सेटमा पराजित गर्दै २६ वर्षीया युक्रेनी खेलाडी स्भितोलिना दोस्रो चरणमा पुगेकी हुन् ।
गत वर्ष क्वार्टरफाइनल सम्म पुगेकी स्भितोलिना वर्षको पहिलो ग्रान्डस्लाम- अस्ट्रेलियन ओपनको चौथो चरणबाट बाहिरिएकी थिइन् । उनले फ्रेन्च ओपनको तेस्रो चरण प्रवेशका लागि ७५औं बरियताकी अमेरिकी खेलाडी एन् लीसँग प्रतिस्पर्धा गर्नेछिन् ।
ली पहिलो चरणमा रुसी खेलाडी मार्गरिता गास्पर्यानलाई ६-०, ६-१ को सोझो सेटमा पराजित गर्दै दोस्रो चरणमा आइपुगेकी हुन् ।
यस्तै, जेनिफर ब्राडी र सेरेना विलियम्स पनि यसअघि नै दोस्रो चरणमा प्रवेश गरिसकेका छन् ।
नेपाल प्रेस
प्रकाशित: २०७८ जेठ १८ गते १७:३५
प्रतिक्रिया
सम्बन्धित खवर
