स्वास्थ्यमा सुधार आएपछि मदनकृष्ण श्रेष्ठ अस्पतालबाट डिस्चार्ज

काठमाडौं । मुटुमा समस्या देखिएपछि गंगालाल अस्पताल भर्ना भएका बरिष्ठ हाँस्यकलाकार मदनकृष्ण श्रेष्ठ बुधबार विहान डिस्चार्ज भएका छन् । स्वास्थ्यमा सुधार देखिएपछि उनी डिस्चार्ज भएको छोरा यमनले जानकारी दिए ।

चिकित्सकले एक महिना आराम गर्न मदनकृष्णलाई सल्लाह दिएका छन् । ‘आराम गर्न सल्लाह दिनुभएको छ र पुनः रेगुलर फलोअपका लागि अस्पताल बोलाउनुभएको छ’ यमनले भने ।

एन्जियोप्लास्टी विधिमार्फत मदनकृष्णको मुटुमा रक्तप्रवाह सजिलो बनाउन दुईवटा स्ट्यान्ड राखिएको छ । गतवर्ष पनि एन्ज्यिोप्लास्टी गरिएका मदनकृष्णलाई दोस्रोपटक गरिएको हो । सो विधिमार्फत नसामा रगत संचार गर्न सजिलो हुने चिकित्सक बताउँछन् ।

कोरोनाभाइरस संक्रमणपछि उनी यसअघि दुईपटक ललितपुरको मेडिसिटी अस्पताल भर्ना भएका थिए ।