धान उत्पादनमा वृद्धि, ७१ हजार मेट्रिकटनले बढ्यो

काठमाडौं । गत वर्षको तुलनामा यो वर्ष धानको उत्पादनमा वृद्धि भएको छ । कृषि तथा पशुपन्छी विकास मन्त्रालयले सोमबार जारी गरेको प्रतिवेदन अनुसार यो वर्ष करीब ७१ हजार मेट्रिकटनले धानको उत्पादनमा वृद्धि भएको हो ।

चैते धान र वर्षे धान दुवैमा ७० हजार ८ सय ३१ मेट्रिक टन उत्पादन वृद्धि भएको मन्त्रालययको तथ्याङका उल्लेख छ ।
गत वर्ष ५५ लाख ५० हजार ८ सय ७९ मेट्रिकटन धान उत्पादन भएकोमा यो वर्ष ५६ लाख २१ हजार ७ सय १० मेट्रिकटन पुगेको छ ।

यो वर्षको उत्पादकत्व ३ दशमलव ८२ पुगेको हो । जुन गत वर्षकोभन्दा शून्य दशमलव २८ प्रतिशतले बढी हो । चालु आर्थिक वर्षमा चैते र वर्षे गरी कूल १४ लाख ७३ हजार ४ सय ७४ हेक्टर जमीनमा धानखेति गरिएको थियो ।

यो वर्ष पनि गत वर्षको भन्दा १५ हेक्टर बढी जमीनमा धान खेति गरिएको थियो । यो वर्ष धान उत्पादन वृद्धि हुनुमा मनसुन र कामदारको सहज उपलव्धताले भएको मन्त्रालयले जानकारी दिएको छ ।