निवर्तमान सांसदले गरे बाढीको चपेटामा परेका ३५ मनाङेको हेलिकप्टरबाट उद्दार

काठमाडौं । मनाङमा आएको बाढीको कारण अलपत्र परेको बाढीपीडितको उद्धारका लागि नेपाली सेनाको हेलिकप्टर मनाङ पुगेको छ ।मनाङबाट प्रतिनिधिसभामा निर्वाचित पोल्देन छोपाङ गुरुङसहितको टोली सेनाको हेलिकप्टरमा राहत सामाग्री लिएर मनाङ पुगेको हो ।

नासों गाउँपालिका–१काे सिरानतालमा फसेका २४ जनालाई हेलिकप्टरमार्फत उद्धार गरी तालडाँडामा लगिएको छ । यस्तै सानों गाउँपालिका–५, थोंचेका ११ जनालाई पनि हेलिकप्टरमार्फत उद्धार गरिएको हो ।

मनाङमा ठाउँठाउँमा बाढी गएको कारण उद्धारमा समस्या भइरहेकाले हेलिकप्टर कुरेर बस्नुपरेको प्रमुख जिल्ला अधिकारी विष्णु लामिछानेले बताए । उनका अुनसार अझै पनि धेरै नै पीडितहरुको उद्धार गर्नुपर्ने अवस्था छ । मनाङमा जेठको अन्तिम सातादेखि नै भीषण बाढी आएको थियो । हाल मनाङसँग जोडिएको सडक अवरुद्ध भएकाले यातायात ठप्प छ ।