सत्यमोहन जोशी अस्पतालबाट डिस्चार्ज

ललितपुर । शताब्दी पुरुष डा सत्यमोहन जोशी ९ दिनपछि अस्पतालबाट डिस्चार्ज भएका छन् । उनको स्वास्थ्य अवस्था सामान्य रहेकाले चिकित्सकको सल्लाह बमोजिम ९ दिनपछि आज डिस्चार्ज गरिएको हो ।

जोशीको स्वास प्रश्वासमा समस्या, छातीको संक्रमण, मुटुको चालमा गढबडी साथै रक्तचापमा कमी देखिएपछि जेठ २६ गते महालक्ष्मीस्थानस्थित किष्ट शिक्षण अस्पतालमा भर्ना गरिएको थियो ।

पीसीआर रिर्पोट नेगेटिभ आएपनि निमोनिया संक्रमण भएको थियो । क्षयरोग सम्बन्धी परीक्षणमा उनको रिपोर्ट नेगेटिभ आएको अस्पतालले जनाएको छ । हाल उनको रक्तचापमा देखिएको गढबडी नियन्त्रणमा आइसकेको अस्पतालले जानकारी दिएको छ ।