मंगलबार ४५ सय संक्रमित थपिए, ४१ जनाको मृत्यु

काठमाडौं । पछिल्लो २४ घण्टामा मुलुकमा ४,५२२ जना संक्रमित थपिएका छन् । १६ हजार ९१३ पीसीआर र एन्टीजेन परीक्षण गर्दा ती संक्रमित थपिएका हुन् ।

धौलागिरी अस्पतालबाट विभिन्न मितिमा भएका परीक्षणहरु एकमुष्ठ प्राप्त भएकाले संक्रमित संख्यामा वृद्धि भएको स्वास्थ्य मन्त्रालयले जनाएको छ ।

पछिल्लो २४ घण्टामा ४१ जनाको मृत्यु भएको छ भने ४,९५४ जना निको भएका छन् । सक्रिय संक्रमित संख्या ५२ हजार ६४८ छ ।

काठमाडौं जिल्लामा ३१०, भक्तपुरमा ६७ र ललितपुरमा ९९ जना संक्रमित थपिएका छन् ।

पीसीआर परीक्षणबाट कूल संक्रमित ६ लाख २६ हजार ३४३, कूल मृत्यु ८८१३ पुगेको छ । संक्रमण दर १९.१ प्रतिशत छ ।