विपक्षी गठबन्धनका विद्यार्थी संगठनद्वारा आन्दोलन घोषणा

काठमाडौं । विपक्षी गठबन्धनमा आवद्ध ५ विद्यार्थी संगठनले प्रतिनिधिसभा विघटनविरुद्ध देशव्यापी प्रदर्शनको घोषणा गरेको छ ।

नेपाल विद्यार्थी संघ, अखिल (क्रान्तिकारी), अनेरास्ववियू (माधव नेपाल पक्ष), समाजवादी विद्यार्थी युनियन र अखिल (छैठौं) को संयुक्त बैठकले असार १६ गते ७७ वटै जिल्ला र असार १७ गते काठमाडौं उपत्यकामा प्रधानमन्त्रीको पुत्ला दहनसहित प्रदर्शन गर्ने निर्णय गरेको हो ।

विपक्षी विद्यार्थी संगठनहरूले त्रिभुवन विश्वविद्यालयमा देखिएका समस्या समाधानका लागि संयुक्त ज्ञापन पत्र बुझाउने, शैक्षिक शुल्क वृद्धि गरिए आन्दोलन गर्नेलगायतका निर्णयसमेत गरेको छ ।