युनियन लाइफले ६४ लाख ५० हजार कित्ता आईपीओ जारी गर्दै

काठमाडौं । युनियन लाइफ इन्स्योरेन्स कम्पनीले असार २४ गते सर्वसाधारणका लागि आईपीओ  जारी गर्ने भएको छ ।

कम्पनीको जारी पुँजी २ अर्ब १५ करोडको ३० प्रतिशत अर्थात ६४ करोड ५० लाख रुपैयाँ बराबरको ६४ लाख ५० हजार कित्ता सेयर जारी गर्ने भएको हो ।

जसमध्ये ३ लाख २२ हजार ५०० कित्ता अर्थात ५ प्रतिशत सेयर कर्मचारी र त्यति नै बराबरको सेयर सामूहिक लगानी कोष र बाँकी ५८ लाख ५ हजार कित्ता सर्वसाधारणका लागि जारी गर्ने कम्पनीले जनाएको छ ।

यस कम्पनीलाई क्रेडिट रेडिङ कम्पनी इक्रा नेपालले ‘ट्रिपल बी रेटिङ प्रदान गरेको छ । जसले कम्पनीको वित्तीय दायित्व वहन गर्ने क्षमता औषत रहेको जनाउँछ ।