आज केही प्रदेशमा भारी वर्षाको सम्भावना

काठमाडौं । देशभर मनसुनी वायुको सक्रिय प्रभाव रहेका कारण मध्यमदेखि भारी वर्षाको सम्भावना रहेको छ ।

प्रदेश १, प्रदेश २, बागमती प्रदेश, लुम्बिनी प्रदेश र गण्डकी प्रदेशका धेरै स्थानका साथै कर्णाली र सुदूरपश्चिम प्रदेशका थोरै स्थानमा मध्यमदेखि भारी वर्षाको सम्भावना रहेको मौसम पूर्वानुमान महाशाखाले जनाएको छ ।

राति पनि प्रदेश १, प्रदेश २, बागमती प्रदेश र गण्डकी प्रदेशका केही स्थानमा चट्याङसहित भारी भारी वर्षा र अति भारी वर्षाको सम्भावना रहेको छ ।

महाशाखाका अनुसार अहिले पनि देशभर सामान्यदेखि पूर्ण बदली भइरहेको छ।