स्वास्थ्य वैज्ञानिकहरुको राष्ट्रिय सम्मेलनद्धारा दश बुँदे घोषणापत्र जारी

काठमाडौं । शुक्रबार काठमाडौंमा सम्पन्न भएको स्वास्थ्य तथा जनसंख्या वैज्ञानिकहरुको सातौं राष्ट्रिय शिखर सम्मेलनले दश बुँदे घोषणपत्र जारी गरेको छ ।

उक्त घोषणपत्रमा संघीय संरचना अन्तर्गत वैज्ञानिक अनुसन्धानको प्रवद्र्धन गर्न स्वास्थ्य अनुसन्धानमा लगानी बढाउने उल्लेख छ । साथै युवा अनुसन्धानकर्ता तथा वैज्ञानिकहरुलाई आवश्यक सहजीकरण गर्ने र अन्तर्राष्ट्रिय खोप तथा उपचार संस्थाहरुसँग साझेदारी गर्ने विषय उल्लेख गरिएको छ ।

उक्त सम्मेलन भर्चुअल रुपमा भएको हो । सम्मेलनमा स्वदेशी तथा विदेशी अनुसन्धानकर्ताहरुले ४७ वटा अनुसन्धानमुलक कार्यहरु प्रस्तुती दिएका थिए । त्यस्तै १९ वटा पोस्टर र २४ वटा आमन्त्रित प्रस्तुति भएको थियो ।