चीनले अन्तरीक्षमा पठायो विश्वकै पहिलो जल तथा मौसमको अध्ययन गर्ने स्याटेलाइट

बेइजिङ । अन्तरीक्षमा रहेर जल तथा मौसमको अध्ययन गर्ने विश्वकै पहिलो स्यटेलाइटको रुपमा चीनले सोमबार फेन्गुइन-थ्रीई स्याटेलाइट प्रक्षेपण गरेको छ ।

विज्ञहरुले प्रक्षेपणप्रति उत्साह व्यक्त गर्दैै मौसमको तथ्यांकमा हुने कमीकमजोरीलाई सच्याउँदै विश्व जल तथा मौसमबारे अध्ययन गर्नेछ । सोमबार बिहान उत्तरपश्चिम चीनको जिक्वान स्याटेलाइट लन्च सेन्टरबाट लङ मार्च-फोरसी रकेटमा हालेर उक्त स्याटेलाइट अन्तरीक्षमा पठाइएको हो ।

स्याटेलाइटले चीनको मौसम भविष्यवाणीलाई तथ्यपरक बनाउने र जल तथा मौसम अन्वेषणलाई थप सुद्धढ बनाउने आशा चीनले लिएको छ । आठ वर्ष लगाएर बनाइएको उक्त स्याटेलाइटमा ११ वटा रिमोट सेन्सर समेत जडान गरिएको छ ।

चिनियाँ अन्तरीक्ष नियोगका अनुसार उक्त स्याटेलाइटले बिहानदेखि बेलुकासम्मको मौसमको जानकारी दिँदै विश्वकै मौसमबारे तथ्यांकहरु उपलब्ध गराउने जनाइएको छ ।