महाप्रबन्धकसँगै वार्ता गर्ने नेवानिका कर्मचारीको अडान
नेपाल प्रेस
२०७८ असार २४ गते १२:३४
काठमाडौं । नेपाल वायुसेवा निगममा आन्दोलनरत कर्मचारीले आफूहरू महाप्रबन्धकसँगै वार्ता गर्ने अडान राखेका छन् ।
महाप्रबन्धक डिमप्रकाश पौडेल आज कार्यालय प्रवेशगरेसँगै कर्मचारीले थप आपत्ति जनाएका छन् । हिजो पौडेलले कर्मचारीलाई वार्ताको लागि आव्हान गरेसँगै नायब प्रबन्धक गणेशबहादुर चन्दको संयोजकत्वमा वार्ता गर्न भनिएको थियो ।
आफूहरू मन्त्रालय र निगमको नेतृत्व टोलीसँग मात्र वार्तामा बस्ने नेपाल वायुसेवा कर्मचारी संघका अध्यक्ष मानबहादुर कुँवरले जानकारी दिए ।
‘हामी नायब प्रवन्धकसँग वार्तामा बस्दैनौँ । वार्ता गर्ने हो भने महाप्रबन्धकसहित पर्यटन मन्त्रालयका सचिवसँग मात्र गर्ने छौं,’उनले नेपाल प्रेससँग भने ।
नेपाल प्रेस
प्रकाशित: २०७८ असार २४ गते १२:३४
प्रतिक्रिया
सम्बन्धित खवर
