सोमबार २३ सय कोभिड बिरामी थपिए, १८ जनाको मृत्यु
आजको संक्रमण दर २०.४५ प्रतिशत पुष्टि
नेपाल प्रेस
२०७८ असार २८ गते १७:०९
काठमाडौं । पछिल्लो २४ घण्टामा मुलुकमा २३७० जना कोभिड बिरामी थपिएका छन् । स्वास्थ्य तथा जनसंख्या मन्त्रालयका अनुसार ११ हजार ५८४ (७६८९ पीसीआर र ३८९५ एन्टीजेन) नमुना परीक्षण गर्दा ती संक्रमित थपिएका हुन् ।
सोमबारको संक्रमण दर २०.४५ प्रतिशत छ ।
थप १८ जनाको कोभिड संक्रमणले मृत्यु भएको छ । पछिल्लो २४ घण्टामा ११३३ जना डिस्चार्ज भएका छन् ।
काठमाडौं जिल्लामा ५४१८ जना सक्रिय संक्रमित छन् । भक्तपुरमा ९५३ र ललितपुरमा १३१९ जना सक्रिय संक्रमित छन् ।
उपत्यकाका तीन जिल्लासहित कास्की, चितवन, मकवानपुर, मोरङ, सुनसरी र झापामा सक्रिय संक्रमित संख्या ५०० भन्दा माथि छ । २६ जिल्लामा सक्रिय संक्रमित संख्या २०० भन्दा माथि छ ।
नेपाल प्रेस
प्रकाशित: २०७८ असार २८ गते १७:०९
प्रतिक्रिया
सम्बन्धित खवर
