राष्ट्रपतिलाई जेल सजायपछि हिंसा चर्किँदा दक्षिण अफ्रिकामा ७२ को मृत्यु

प्रिटोरिया । दक्षिण अफ्रिकाका पूर्वराष्ट्रपति ज्याकोब जुमालाई अदालतको मानहानी गरेको आरोपमा जेल सजाय भएपछि चर्किएको हिंसामा ज्यान गुमाउनेको संख्या ७२ पुगेको छ ।

अदालतले १५ महीनाको जेल सजाय सुनाएपछि जुमाले आदेशलाई अस्वीकार गर्दै आएका थिए । तर, गतसाता उनले प्रहरीसमक्ष आत्मसमर्पण गरेका छन् ।

श्वेतोस्थित एक किनेमल केन्द्रमा भागदौड मच्चिँदा सोमबार राती १० जना मारिएका छन् । गतसाता त्यहाँको अदालतले ७९ वर्षिय जुमालाई १५ महीनाको जेल सजाय सुनाएको थियो ।

जुमाको गृहनगर क्वाजुलु नाटलबाट १२ सयभन्दा बढी प्रदर्शनकारी पक्राउ परेका छन् । केही सातायता प्रदर्शनकारी र लुटेराहरुबीच पटक-पटक प्रहरीको झडप भएको छ । प्रहरीले प्रदर्शनकारीमाथि रबरका गोली चलाएको छ भने हिंसा मच्चिएपछि सडकमा सेनालाई पनि तैनाथ गरिएको छ ।

राष्ट्रपति सिरिल राम्फोसाले सन् १९९० यता दक्षिण अफ्रिकामा ठूलो हिंसा फैलिएको बताएका छन् । अधिकारीहरुले हिंसा कायमै रहे दक्षिण अफ्रिकामा आपतकाल लागू गर्ने संकेत दिएका छन् ।