अफगानिस्तानमा पुलित्जर विजेता फोटो पत्रकारको हत्या

काबुल । अफगानिस्तानको कान्दाहार क्षेत्रमा तालिवान विद्रोही र सुरक्षाकर्मीको भीडन्तमा पुलित्जर पुरस्कार विजेता भारतीय फोटोपत्रकार दानिश सिद्धिकीको मृत्यु भएको छ ।

उनी समाचार एजेन्सी रोयटर्समा कार्यरत थिए । सन् २०१८ मा उनले पुलित्जर पुरस्कार प्राप्त गरेका थिए ।

टोलो न्यूजका अनुसार दानिश केही दिनदेखि त्यहाँको स्पिन बोल्डक जिल्लाको परिस्थितीबारे रिपोर्टिङ गरिरहेका थिए । उद्धारमा खटिएको अफगानिस्तानी सुरक्षाकर्मीको मिसनसँगै थिए । उनले तीन दिन अघि गरेको ट्वीटमा यो कुरा उल्लेख छ ।

अफगानिस्तानका राजदूत फरीद मामुन्दजईले दानिशको निधनबारे जानकारी दिएका छन् । हत्या कसले र किन गरेको हो भन्नेबारे केही खुलाइएको छैन । दानिशले हालै अफगानिस्तानमा स्पेसल फोर्सेसबारे रिपोर्टिङ गरेका थिए ।