ओलीको आँकलन- एमालेविरुद्ध अझै षड्यन्त्र हुन्छ, अध्यादेश ल्याएर हाम्रो पार्टी फोर्न सक्छन्

उनले आफूहरुले रचनात्मक प्रतिपक्षको भूमिका खेल्ने बताउँदै देउवा सरकारलाई सर्मथन नहुने स्पष्ट पारे। ‘रचनात्मक प्रतिपक्षको भूमिका खेल्छौं,’ ओलीको भनाइ छ, ‘यो सरकारलाई हाम्रो समर्थन हुने छैन। सरकारलाई समर्थन गर्न सकिन्छ भन्ने व्यक्तिहरुको त्यो धारणा व्यक्तिगत हो।’

सरकारलाई जनहितबिरुद्ध काम गर्न नदिने बताएका ओलीले देउवा सरकारले आर्थिक चलखेलमा मन्त्रीहरु बनाउन लागेको समेत आरोप लगाए। ‘देउवा सरकार मन्त्रिमण्डल बिस्तार गर्न सकिरहेको छैन,’ उनले भने, ‘गठबन्धनले आफ्नो कुनै सैद्धान्तिक र राजनीतिक पुष्टी गर्न सकेको छैन्। माइतीघरको म प्यार बेचिदिन्छु, बहार बेचिदिन्छु भन्ने जस्तै म मन्त्री बनाइ दिन्छु, म पैसा मिलाइदिन्छु, म सबै कुरा मिलाइदिन्छु भान्न थालेका छन्। पार लाग्दैन।’